2017.7.31 積丹黃金岬 (道央)

食完BBQ就去黃金岬，由水中展望船碼頭行去約20幾分鐘。

今日天陰有雨，上去展望台嘅路都好濕滑。

遠眺海岸，一片寧靜，因為天色昏暗，所以逗留咗一陣就走喇。

黃金岬附近有啲民宿，我哋幫襯其中一間食午餐，呢間「小林民宿」嘅定食唔貴，啲海膽非常新鮮。 

2017.7.31 積丹水中展望船 (道央)

 

朝早食完早餐就先去積丹觀光案內所了解下附近有乜景點。

乘搭積丹水中展望船ニューしゃこたん号環島遊，約40分鐘。

觀光船路線：美国港～黄金岬～ゴメ島～宝島，可以落船艙睇海膽，又可以餵海鷗。

遊覽完畢，見到路旁有人曬魷魚，原來有個BBQ攤檔，有位大叔負責燒，我哋order咗蝦&魷魚，好新鮮喎。

2017.7.30 ニセコ積丹小樽海岸国定公園 & 積丹岬 (道央)

 

今日第二個目的地係積丹岬。

積丹岬都係道央三「岬」之一，沿住島武意海岸行，遠眺海岸風景，好廣闊啊！

如果沿住自然遊步道慢慢行，可以到達其中一個海岸景點「女郎子岩」。不過當日下午天色唔多好，有雨，所以唔行去睇喇。

今晚入住嘅民宿叫「鱗晃莊」，雖然唔算大，但係環境幾好。

晚餐係鮑魚三味定食，好豐富，亦都好好味。

第二朝嘅早餐都係定食，普普通通啦！

2017.7.30 積丹町国定公園 & 神威岬 (道央)

 

早上喺小樽出發，目的地係神威岬。

到咗国定公園，行入去神威岬就要經過呢個「女人禁制の地」牌坊，聽講以前呢道唔俾女人嚟架。

神威岬係道央三「岬」之一，遠眺海岸風景，令人心曠神怡。

行去神威岬燈台，藍天碧海，清風隨來，好舒暢啊！

行完神威岬就去積丹食海膽，呢間「積丹の幸みさき」嘅海膽算OK啦！